Ich wohne a dä
 Broteggstross 13
 I dä Kantonshauptstadt vom Thurgau.

Wa git`s vo mir z`verzelle? 
 
Ich bi am Morge em füfvorsechsi als vierts Chind vo dä Familie Felix uf d`Wält cho.
D`Hebamm hät dä sechsezwanzigscht im Zeiche vom Fisch a`krüzlet.
Mini Eltere händ mich Theo taufe lo.
D`Brunauer Bürgergmeind weiss sit em Achtevierzgi vo mir.
Ich ha im Toggeburg d`Schuelbank druckt.
Scho als Bueb han ich Freud g`ha am Choche und drum bin ich Choch worde.
Spöter sind denn noh anderi Freude zum Vorschii cho.
D`Freud am Mole isch fascht ä chlini Liedeschaft worde.
I weli Molrichtig, dass mini Bilder g'höret, interessiert mich nöd.
Ich mole mit Ölfarbe und ha Freud dra.
Sit minere Pensionierig chan ich min Virus pflege und cha mole so viel ich wöt.
Am Liebschte mol ich es Bild uf bsunderigi B'schtellig.
Drum bezeichne ich mich als Uftragsmoler.
Mis Ziel isch, das ich de Lüüt mit em Bild ä Freud cha mache.

Wötsch no meh vo mir wüsse, denn machsch es B'süechli in Frauenfeld. 

Ich würd mich freue!